（Apr 18, 2009）新地八大商場~(上水廣場&銅鑼灣世貿)

哈佬,又到o左新地八大商場~尋找阿呢的故事o既最終回喇,今日一早我就搭火車去上水o既上水廣場,可能今日落雨o既關係,搭火車o個陣勁逼人,終於o黎到上水,估唔到上水都超多人,一入到去幾步就已經見到阿呢,即刻同佢影相先^^

近影阿呢,今次佢拎住個打氣喇叭,同大家打打氣!!

上水廣場o既阿呢主題為開心加油站,你睇有個開心加油機,可以俾人轉轉睇o下自己o既開心指數o架

我見個轉轉加油機好受歡迎,好多小朋友同家長都掙住玩

除o左小朋友,連一班男仔都玩得好開心

你睇,開心加油站後面都好靚

另外銅鑼灣世貿有阿呢精品，阿呢totabag, 整得好精美呀!!

之後就係阿呢阿貓豬仔電話繩,一樣整得好靚

阿呢打氣門牌,一套有兩款~

門牌o既另一面

(Apr 11, 2009) 新地八大商場~3 (新元朗中心&荃錦中心)

新元朗中心都係有阿呢^^

大大幸運輪!

今次為新地八大商場所畫o既四格漫畫^^

跟住呢個就係講焗油優惠,我總共畫o左5個漫畫

o係元朗玩玩o下都玩到天黑咁濟,咁就搭地鐵落我今日最後一站: 荃錦中心 啦

荃錦中心有大阿呢或大大幸運輪,但行行o下都見裡面有好多優惠,例如以下呢個食雪糕就會平o的喇!

好啦今輪o既新地八大商場探阿呢旅程又完滿結束喇,仲有銅鑼灣世貿中心同上水廣場未去,一於下個禮拜再去探探阿呢啦!

P.S. 新地八大商場分別係:  銅鑼灣世貿中心、東港城、上水廣場、將軍澳中心、新元朗中心、卓爾廣場、錦薈坊、荃錦中心

（July 15,2012）海港城Sport X「城中喜閱」梁進分享會^^

哈哈剛完成o係海港城Sport X o既「城中喜閱」分享會，好多謝海港城o既邀請，同埋好多謝今日 o黎撐小畫家 o既大家呀^^

今日有兩位mc同我訪談，問題一浪接一浪呀~嘻嘻 :)

本來都驚可能會悶親大家，睇番相見大家原來都聽得好留心呀（好有冇人訓著 o左 o者~嘻嘻^^）

開頭都仲有 o的座位，隨住分享會開始就愈 o黎愈多人趕 o黎，最後所有位置都爆滿喇 ;)

話說我今日先知原來 o黎睇分享會係有禮物送 o既，早知就大大宣揚 o下啦^^

分享會完畢，到問題時間，好多謝舉手問問題 o既大家呀^^

你睇我答問題個樣幾認真~呵呵呵 :)

好啦最後係簽名時間，好多讀者都唔怕重拎晒 o的書 o黎簽^^

簽呀~簽呀~今日可以話 o黎緊書展 o既熱身簽名會~嘻嘻 ;)

話說因今次分享會有講我 o係紐約 o既事宜，所以出版社安排 o左散散文2 o係現場賣 :)

呢位小妹妹畫 o左阿呢畫過 o黎，好有心機呀^^

哈哈好怕醜 o既小男孩讀者 :)

多謝你 o黎撐小畫家呀 ;D

阿怡做咩咁cool先？哈哈

話說之後有歐陽應霽做分享會，同佢o黎個合照啦 :)

(July 25th,2011) 上水廣場~夏日玻璃畫藏物語展

大家好呀,話說o尋日有幸獲邀出席上水廣場一個名為夏日玻璃畫藏物語展o既活動^^

而我亦為活動設計在個阿呢大型牛奶樽o添^^

活動未開始,見到藝員黃浩然o係度,梗係同佢o黎個合照啦^^

話說今次活動係請在一個中國內畫大師o黎做展覽,展出佢o既內畫作品~

而內畫就係用筆o係細細o既玻璃容器入面繪畫,好考耐性o架^^

呢位就係中國內畫大師喇,同佢o黎個合照先^^

再影下我個樽o既正面啦,今次大會請我以夏日為主題,我就畫o左一個港人o既夏日,就咁睇阿呢佢o地好似玩緊沙灘活動,但睇真o的其實佢o地係打緊邊爐o架^^

話說今日除o左有黃浩然,仲有林夏薇,友人話佢係林峰個堂妹~

活動開始, 經過內畫大師同玻璃瓶收藏家上台之後,就到小畫家講o下今次阿呢牛奶樽o既創作意念喇^^

今日友人有o黎幫手影相,所以好多相我都有望鏡頭...哈哈哈^^

開幕禮完畢,最後大家將乾冰汽水倒入個缸內~~

最後仲有剪綵~~

之後黃浩然、林夏薇同我小畫家就去番牛奶樽度touch up~~

畫畫o下都望下鏡頭先...哈哈^^

活動完畢,同今日o既MC Calvin影張相,之前活動已經認識,今日佢打扮得好有型^^

最後新鴻基租務部總經理鍾秀蓮小姐仲送o左有牛仔布花紋o既iphone同ipad套俾我,應該係上水廣場o既promotional gifts o黎,有興趣o既行上水廣場o個陣可以留意o下^^

我都送番兩本新作俾鍾小姐^^

最後有o的小朋友搵我簽書,冇記錯呢個小朋友好似係玻璃瓶收藏家個囝囝o黎^^

好啦,如果想睇內畫大師o既作品或小畫家o既阿呢牛奶樽o既話,行上水廣場時就留意o下喇^^

(Oct 31, 2010) 阿呢 x LCX展覽 (完結篇)

今日終於到o左阿呢x LCX展覽o既最後一日喇,講真真係有o的唔捨得 ;)

o係度要多謝o係展覽有o黎過睇o既大家,仲有救救豬仔活動o黎撐我o既各位,當然仲有LCX上下o既幫助,萬分感謝大家呀 

而今晚我就去o左羅番o的展品喇,去到個場都已經清理好,因o尋日三個豬仔錢罌已經被救o左出o黎,所以依家得番班恐龍o係度...嘻嘻嘻 :)

而大額頭阿呢就擺o左出o黎,冇著衫o既阿呢小心冷親呀~~

再o黎一張 ;D

而阿呢隻飛碟都要功成身退喇,返到太空記住打個email報平安呀! ;)

阿貓機械人,隨住展覽完畢唔知佢o係漫畫裡面幾時變番貓身呢....呵呵

再影多張阿呢大書書,記得整呢本書時好趕,要o係去韓國前做晒, 雖然咁但出o黎o既效果我都幾滿意 :)

好啦,由展覽o既準備篇到完結篇,係咪未睇過咁切底o既展覽呢? 呵呵, 期待下次再有機會同大家再玩過啦 ;D

------------------------------------------------------------------------------------

展覽bonus篇~

話說o尋日活動後大家都有o係facebook tag番我,就o係度post 幾張自己幾滿意o既相啦 ;)

呢張係rait影o既,好鍾意佢部機影出o黎o的顏色,唔知點解好鍾意呢張相 :)

另外就係我拎住炸彈o既相....嘻嘻

我同rait, 多謝你每次都o黎撐我呀 ;)

呢張好搞笑,就o係rait幫阿怡影相o個陣我zip入鏡....哈哈,呢張相係特別獲阿怡批准post上o黎o既...哈哈

老伯影我o既相, 有睇開呢個blog o既都知呢個係代表老伯o既lego老伯o黎 ;)

呢幅係幫讀者加今次連贏兩個獎o既家豪畫o既 :)

話時話都未post過今次個獎座,細細個好得意 :)

好啦,有聽o尋日我講都知新一期阿呢應該會o係12月登場,亦代表小畫家閉關o既時候喇~~~燃燒吧小畫家o既小宇宙~~! >;D