你好呀,我星期五去o左書展呀,我一點前就入到去喇,行o左一陣到二點幾就到o左有大眾出版社攤位o既
Hall 1,一去到大發現呀!見到好大個「阿呢茶餐廳」新書封面o既旗仔,好開心呀~
近影阿呢枝旗仔,有成個人咁高o架!!
之後就去睇下阿呢o的書啦,見到好多人睇緊呀~
跟住就梗係探下我o既編輯Sharmon小姐啦,我o係阿呢o既書度都有多謝佢,依家大家就見到真人喇,Sharmon小姐要企成日留意住阿呢o的書賣晒就要叫人補貨,辛苦晒你喇Sharmon!
(聽Sharmon小姐話「阿呢茶餐廳」賣得好好,補貨都補o左幾次,太好喇~)
我一邊同編輯小姐吹水,一邊都有留意下o的讀者o架,仲影o左佢o地o添...嘻嘻嘻
以我所見真係好多人睇同買呀,俾上年書展熱烈好多(講真我又冇錢賣廣告,所以好多時都驚出o左書o的讀者唔知),真係好多謝大家o既支持呀!
四本阿呢o既書都o係度,一次過滿足你四個願望!
離開o個陣仲見到有o的小朋友睇緊阿呢o添
我行到7點幾就走喇(行o左成6個鐘呀!!) 當我返到屋企o個陣編輯小姐打電話o黎話「阿呢茶餐廳」今日賣晒喇,仲有好多人問有冇o添,如果你係9:30 pm之後o黎就冇晒lu, 要等聽日先會補貨
沒有留言:
張貼留言