好~繼續書展第二場簽名會o既下集^^
好多謝一家人都o黎支持小畫家呀（難得仲要有哈碌小兔） :)
讀者自己親手印製o既阿呢紅白藍畫 ;)
好多讀者都好有興趣呢個，老伯送o既lego午餐肉，碌落o的會講o下裡面有咩^^
小讀者送o既親筆畫，好多謝你呀 ;D
話說第二場因最o左二十分鐘開始，之後又overtime o左成粒鐘，所以最後第二場係簽o左三個幾鐘o既^^
而雖然簽o左好耐但個人都未覺累（明顯因見到大家太開心喇^^），所以稍稍休息後我再到皇冠攤位簽名 :)
坐定冇耐已有讀者買書過o黎簽名，亦可以呢個extra o既「第三場簽名會」開始喇~ ;)
多得在場工作人員大聲宣傳令大家知到小畫家o黎o左，令更多人即刻買書過o黎羅簽名 :D
好啦繼續簽簽簽~畫畫畫^^
多謝支持阿呢同散散文呀 ;)
好啦，簽多o左一個鐘就完結喇，今日總共簽o左四個幾鐘，不過出奇地係我一o的都唔累，而簽o左咁耐應該幫所以要o黎羅簽名o既讀者簽晒畫晒書喇，希望大家開心啦^^
o係呢度再次同所有有買新書o既讀者講聲多謝，小畫家會繼續加油o架喇 ;)
好啦~講o下今日收到o既禮物先，首先收到由澳門讀者送o既阿呢、阿貓、豬仔筆，真係好得意呀 :D
下面係一位叫阿釘o既讀者送o既釘釘筆，令我好記得你個名呀~嘻嘻 :)
有讀者送o左日本出o既雞肉午餐肉俾我^^
亦有讀者送芒果布丁同維他命水水 ;)
下面就係小讀者親手畫o既畫喇 :)
close up幅畫俾大家睇啦，原來係阿呢做牛仔o既主題，好有創意呢 ;D
讀者親手印o既阿呢畫，好似好高難度咁喎^^
有讀者送o左個超大漿糊仔俾我，好開心呀! 裡面仲有糖糖o添 :D
上一場已收到另一位讀者送o既漿糊仔，擺埋一齊合照啦~嘻嘻嘻 ;)
最後就係老伯砌o既lego午餐肉喇，前面有隻豬仔好得意 :D
點知一打開，裡面係阿貓o黎，老伯確係阿貓o既die hard粉絲呀^^
P.S. 有小隊成員笑呢個似阿貓o既棺材多o的，老伯今次真係唔覺唔覺送o左阿貓上路喇~哈哈哈 ;D
拎阿貓出o黎，留意午餐肉另一面有白豬仔個樣o架 :)
再一次多謝書展出席兩場簽名會o既大家，希望可以快o雕再見到每一位啦^^ thank you thank you ^^
-------------------------------------------------------------------------------
多謝大家支持!新書「阿呢午餐肉」開售後7天就加印第二版，配合常早幾日掛十號風球，真係「旋風加印」，打風邊吃午餐肉邊看午餐肉真開心啦﹗
《阿呢午餐肉》│梁進│青春文化│2012年7月 初版二刷
依家各大書局、書店、便利店都有得賣喇^^
沒有留言:
張貼留言