好多謝o尋日有o黎撐小畫家o既大家呀, 估唔到有咁多讀者o黎撐我,真係好感動呀 T___T
好啦, o係度post番o尋日o的相,一路睇一路講啦 ;)
為o左多謝大家o既支持,小畫家今次印o左迷你阿呢聖誕咭俾大家,希望你o地鍾意啦 ;D
話說本來我都諗大家玩完25號之後會唔會o黎呢, 點知都未到現場編輯小姐o係電話度已經話超多人排緊隊喇 :O
編輯小姐跟住條隊睇,以為到龍尾啦,點知.....
點知轉o左彎繼續係隊!! :O
過o左backdrop, 繼續好多人~~~
再轉個彎都係~~
到最後打o左蛇餅, o係度真係好多謝大家o既支持呀, o尋日見到大家絕對係小畫家最好o既生日禮物 :) 希望我o既新書都能成為你聖誕最好o既禮物啦 ;D
而話說我剛到現場入o左後台,出版社人員就話在場o既普通版已經全部賣晒,我聽完都唔敢相信 :O
為o左照顧只想買書o既讀者,之後出版社人員就拆o左少少特別版出o黎,真係好細心呀 :)
好啦,簽名會開始 :)
今次一樣見到好多新面孔,左邊o既小朋友V晒咁好得意 ;)
讀者Ding Ding,多謝你一直o既支持呀 :)
哈哈見到個伯字都知係老伯啦,今次老伯砌o既Lego豬迪真係好搞笑...哈哈 ;D
P.S. 所有讀者o既禮物會o係簽名會下篇post俾大家睇 ;)
梁粉之家o既少爺張, 冇見一排大個仔o左又型o左喎 ;)
呢位讀者畫o左一眾阿呢角色俾我,好多謝你呀 ;D
讀者秀仔, 多謝你o既咭呀 ;) (To秀仔: 我真係掀o左入面o黎睇.....)
上次LCX展覽送o左阿貓機械人俾我o既兩姊妹,今次一整就八個角色出黎,好強呀!! ;D
真係好多謝你o地, 在現所有人見到都好震驚呀....哈哈 ;D
雖然今次簽名會有成一個鐘九個字,但因實在太多人所以大會話只可以簽新書,o係度要向帶o左舊書o黎俾我簽o既讀者講聲唔好意思,希望日後可以快o的幫大家再簽過啦 :)
最後大會攝影師請o左o的讀者上台一齊合照,真係好多謝大家咁乖呀 ;) 幅相好似生日相咁....嘻嘻嘻 ;)
唔知幾時阿呢佢o地又出現o左,之後就同大眾o既工作人員o黎個合照啦,o係度要多謝大眾咁支持小畫家 ;)
o尋日小畫家真係好開心,雖然之前真係好爆但今個簽名會係今年一個好完美o既完結, o係度要再次多謝o黎撐小畫家o既所有讀者,亦多謝買o左特別版o既大家,聽到大家都話個散子包又大又靚真係好開心, 多謝大家俾o左小畫家一個最完美o既生日/聖誕禮物,我會繼續努力的 :)
好啦,下篇post大家o既禮物 :)
沒有留言:
張貼留言