好啦上篇post o左頒o獎既實況,之後大家就浩浩蕩蕩咁一齊去救豬仔喇 ;)
救之前同大家玩個傳炸彈遊戲,見到大家咁踴躍舉手參加真係好開心呀 ;D
遊戲係要揀十位參賽者出o黎,然後就傳炸彈,而傳到咁上下我就會叫停 (當然我係睇唔到傳到邊o既), 而拎住炸彈o既就要出局,玩到淨番三位勝出者為止 :)
過程最好笑係,當個遊戲玩緊我掛住同讀者合照,搞到mc有o的無奈...哈哈哈 ;)
by the way,呢個就係個大炸彈喇 ;D
玩呀玩,傳呀傳,終於玩淨三位勝出者喇,恭喜晒~~ ;D
勝出者係會得到阿呢x LCX notebook o既,而且仲有.....
仲有同我一齊放番豬仔落o黎,豬仔你終於獲救喇 ;D
你睇,我o地真係放繩放豬仔落地o架....哈哈 ;D
好開心有咁多人見証豬仔獲救o既一刻 :)
豬仔: "多謝大家呀,我終於可以出o黎食番餐好o架喇~~"
之後大會就俾o左一疊豬仔金幣我派俾大家,呢刻我覺得自己好似財神...哈哈哈哈 ;D
大家收到金幣就可以去玩抽獎喇 :)
就係咁今日個活動就圓滿完成喇, 再一次多謝今日o黎參與活動o既大家,今日熱鬧o既氣氛真係好開心,希望大家都有個開心o既下午啦 ;D
------------------------------------------------------------------------------------------
本來以為活動完成o架喇,點知讀者們開始搵我簽名~~ ;)
因為愈o黎愈多人,所以大會好醒目咁搬o左張檯過o黎,突然間變成o左個簽名會....嘻嘻 :)
你睇,竟然排o左長龍起上o黎~~ ;D
今日係友人負責幫我影相o既,佢話同一時間好多讀者都去o左阿呢大排檔度買阿呢精品同豬仔cushion, o係度真係好多謝大家o既支持 :)
好啦,簽完喇,走前竟然收到份讀者親手造o既禮物~~勁呀!! ;D
你睇,係跟住今次展覽阿貓變成機械人o既樣做o既,裡面仲有糖糖o添,好細心呀 ;D
頭部仲可以打開o添, 好得意呀 ;D
p.s. 阿貞、喵雅,入裡o既信已睇o左,多謝你呀, 我會繼續努力的 ;)
跟住就係老伯o既禮物,十分之強o既Lego燒賣大叔,今次Lego o既砌法明顯難o左好多,老伯砌Lego o既level又邁進一步喇,勁呀!! ;D
話時話,得老伯報料,知道尖沙嘴韓國街成我上次去韓國食過最得o既杯麵,所以活動完即刻走去買番三個o黎看o下門口....哈哈, 老伯指明話要去"新世界"舖頭買,因o個度只賣$9蚊個(第二間要$15蚊o架)
好啦,其實阿呢x LCX展覽到埋聽日(星期日)就完結喇,o係度多謝有去過睇展覽o既大家,同埋今日有o黎活動o既大家,真係好多謝你o地o既支持呀 T______T 小畫家會繼續努力的!!!
o係度亦要特別鳴謝LCX俾我同阿呢一個咁保貴同有意思o既展覽機會,多謝LCX!!! ;D
沒有留言:
張貼留言