大家好呀,好多謝o尋日o黎簽名會撐小畫家o既大家,o尋日竟然簽名超過四小時,累到夜晚不一返屋企就訓著o左喇,不過能夠幫所有o黎支持o既讀者簽晒名,我確係好開心,希望有o黎o既大家都一樣開心啦^^
好啦,post番第一場簽名會o既相,第一場係4pm-5pm,我特登早少少到場,開始前影張相先^^
見唔見到今次我係袋住o左阿呢公仔呢,佢仲要係有一隻手突出o黎o既....嘻嘻嘻嘻
未開始已睇大家排隊喇,等到工作人員set好個場就即刻開始簽名喇^^
開始~~簽簽簽,除o左簽書,仲簽海報同mousepad ^^
人龍愈o黎愈長,不過幫手o既編輯話我簽名o既速度都ok~~
簽名之餘當然亦同大家合照啦,今次為免讀者們唔想出鏡,所以以後o既相都會有"阿呢遮面服務",係咪細心先....嘻嘻嘻嘻
而除o左新書,每年書展o既好處就可以一次過有番以前o既書補購,唔使周圍搵啦^^
今次散散文係我有史以來,文字較重o既一本作品,見到大家支持之餘亦話好好睇,有讀者更同我講我出第二集佢一定支持,我真係好開心,希望未買o既就買本支持o下喇^^
呢位讀者幫阿呢公仔整o左頂帽戴,好得意呀^^
老實講,今次兩本作品我都好滿意,見大家留言都話好鍾意我好開心^^
而今年o既贈品阿呢chok樣 mousepad同貼紙亦印得好靚^^
有讀者更將我o係take me home連載o既小畫家四格剪低晒,真係好勁呀,我依家知知原來小畫家四格有時係打直排o既^^
除o上台簽名,大家又可以同阿呢牌合照^^
繼續簽簽簽簽,見唔見到阿呢chok樣印仔呀^^
話說簽簽下工作人員開始執o野,我以為簽名會完結啦,點知原來我簽到超o左時,但仲有好多讀者未簽晒,最後落o左電梯下一層幫大家簽書^^
上年就簽名簽到出場外,今年就簽名簽到落地底,真係好勁呀...哈哈
雖然轉o左場地,但話晒都係室內有冷氣,唔會好似上年咁場外咁熱,我都唔想o黎撐小書家o既大家辛苦o架o麻^^
繼續簽簽簽簽,o係度要特別鳴謝編輯小姐幫我拎住o的書,絕對係手臂力訓練o既大挑戰~~
為o左編輯小姐唔好太辛苦,我都盡量烏低身同用陰力o黎簽名,免得編輯小姐會重上加重~~
繼續同大家合照,真係好多謝大家o既支持呀^^
亦好多謝所有年年都o黎支持o既你,你知你係邊個^^
話說之前有小豬同yan yan兩姊妹整阿呢公仔送俾我,而上年開始又有一對新o既兩姊妹喵雅同阿貞,而今次麥呢呢本書裡面大部份o既公仔同漫漫文o既梁進公仔就係出自喵雅同阿貞o架喇^^
今次喵雅同阿貞整o左兩個阿貓頭俾我,大o個個真係好搞笑呀,真係好多謝你o地呀^^
稍後等我將所有禮物影相,再出一個post等大家可以清楚睇到喇!!
by the way,小豬同yan yan兩姊妹將會o係第二場簽名會出場,我總有一種"兩對姊妹在戰鬥"o既感覺....哈哈^^
沒有留言:
張貼留言