好啦第二場簽名會6pm-8pm,事不宜遲準時開始簽簽簽^^
而為o左流程順暢,今場由編輯小姐幫大家印阿呢chok樣印~~
簽名會一開始,亦開始見大家不斷入o黎^^
今次好開心o既係好多讀者都支持我o既散散文,令我更有信心著手寫第二集,我保證第二集一定會更精彩^^
小隊Brenda, 多謝你o既支持^^
有讀者要求畫親筆畫,當然冇問題啦^^
真係好多謝大家o既支持呀^^
雖然我冇留意時間,人龍一直冇短過,但睇番相明顯天開始黑~
亦因為咁跟住o的相都比較暗, 收到讀者送o既禮物,拼豆做o既阿呢,好得意呀^^
其實我依家先知o個o的粒粒叫拼豆,真係簽名都學到o野呀,而下面o個盒係o野食o黎,o岩晒喜歡吃o既小畫家^^
亦有小讀者畫o左阿呢阿貓送俾我,畫得好靚o丫,同其他禮物合照先^^
如我所說,稍後會專開個post show o下大家送o既禮物
一直支持小畫家o既阿怡,今次被放飛機,睇得出有點無奈...哈哈哈^^
另一位一直撐小畫家o既讀者,新的髮型好靚^^
我諗應該過八點,因另外兩邊已再冇簽名會,不過見仍然有好多讀者o黎,所以就繼續簽啦^^
其實本來書展個網係講我o既第二場係7pm-9pm o既,不過後來見前一個鐘個作家唔簽有空檔所以移前一個鐘,因我諗8pm-9pm應該冇咩人o黎,不過事實證明原來好多讀者行書展都行到幾夜o下^^
講到明一定幫大家簽晒書先走o既小畫家,當然坐定定幫大家繼續簽名啦^^
繼續簽簽簽,今場多o的時間,可以幫大家簽晒o的舊書同畫公仔^^
當中有年紀好細o既小讀者,多謝你o既支持呀^^
小豬同yan yan兩姊妹出場,今次做o左麥呢呢同蘇民貓送俾我,又一次超強o既作品^^
等我影o左相再post上o黎等大家睇得清楚o的,順帶一提,兩姊妹o既tee好可愛~
終於簽到9pm,仍然有人入o黎,就連實Q叔叔都忍唔住走過o黎,希望快o的完可以收工...哈哈^^
小隊o既rachel送o左個手製阿呢俾我,仲有個盒裝住,不過俾我o地話似棺材...嘻嘻嘻^^
有睇開呢個blog一定識佢喇,每次簽名會都有讀者認得佢o既傑他他老伯,今次砌o左lego麥呢呢同蘇民貓俾我,蘇民貓尤其砌得神似^^
老伯係阿貓頭號fans,所以就特別送上"阿貓遮面服務"俾佢啦^^
近鏡麥呢呢同蘇民貓^^
就係咁,明明兩個鐘o既簽名會最後簽o左三個鐘,加埋之前超時o既第一場,總共簽o左四個多鐘頭o既簽名會,應該係我有史以o黎最長o架喇,完成後我已經好累,不過能夠幫所有o黎撐小畫家o既讀者簽晒書,就算幾累都係值得o既^^
o係度要多謝所有o黎第一、二場o既讀者,小畫家深深感受到大家一直以來o既支持,小畫家會繼續努力,創作更多有質素o既作品俾大家^^
p.s. 下個post會post簽名會收到o既禮物
沒有留言:
張貼留言