星期日簽名會~
其實o尋晚自己已經有o的擔心,因收到出版社人員話因其他簽名會好亂所以唔再俾o係booth簽名喇,不如改做7點啦,但明明講o左俾大家聽3點o架o麻,為免大家撲個空我3點都有o黎,不過都係同o尋晚一樣出o左會展簽名~
3點幾烈日當空,熱到呢~~~ (o係度要同所有陪我一齊熱o既讀者講聲多謝你呀!!) ;)
一路簽一路流汗,絕對係今年簽名會之最...哈哈 ;D拉
難得讀者們都好開心 (要大家咁熱我其實真係非常唔好意思呀~~)
仲要抬成棟書咁辛苦,真係好多謝你o地o既支持呀 :)
雖然又曬又熱,但總算幫o黎o左o既所有讀者簽書畫公仔,希望大家開心啦 :D
之後入番會場搵梁進書迷會會長夢夢同TA姐,佢o地仲送o左個超有心思o既禮物俾我,遲o的影俾大家睇啦 :)
就係咁3點o既簽名會就完畢喇,之後到7點鐘~~
雖然呢場係臨時加o既,但竟然有好多人o黎,超勁呀!! ;D
好啦,簽簽簽簽,畫畫畫畫~~
可能入夜o左,燈光柔和o左,成個氣氛都relax o的,比起日頭o既簽名會有好大分別...嘻嘻 ;)
你睇,我連阿呢file都有畫公仔 :)
哈哈好多謝你呀,記住參加阿呢攝影比賽喇 ;D
今場多o左好多上班族o黎簽名,所以簽多好多 <打份工o者!>,希望你o地鍾意 ;D
黃色衫加黃色backpack,仲要有三隻阿呢,勁呀!! ;D
多謝你o地o既支持呀 ;D
平時o係blog留言o既讀者都o黎支持,好開心見到你呀 ;)
連皇冠booth o既工作人員都係我讀者,多謝支持呀 ;D
阿怡~好耐冇見你喇,高o左好多呀 ;)
呢位小妹妹話佢已經帶o左阿呢影晒想寄埋參加比賽喇,好快手呀!! ;)
簽o左個多鐘頭終於完成喇,最後我同兩日來幫我忙碌o既工作人員o黎個大合照啦 ;D
好多謝你o地呀,要你o地陪我出去曬足兩日真係好感激你o地呀~~!!
好啦~一連兩日o既簽名會終於完畢喇,多謝所有有o黎支持o既讀者,多謝所有有買我o既書或精品o既大家, 另方面亦對所有miss o左簽名會或羅唔到籌o既讀者講聲唔好意思,其實年年書展都好混亂,希望大家諒解,日後有機會請話我知你曾經撐我但miss o左,我會畫多隻公仔俾你作補償啦 ;)
多謝大家仍然咁撐呢個小小畫家 ;)
沒有留言:
張貼留言