嘩嘩嘩~好多謝今日有o黎撐我o既各位呀 T_____T <--感動ing...
首先要同今日羅唔到籌o既讀者講聲唔好意思,原來今日11點o的籌已經派晒,之後為o左之後o黎o既讀者都有籌所以三點左右再派多100張籌,好在我個簽名位之後係冇人o既,所以我可以直落簽o左兩個鐘,太好喇 :)
未開始前同大家影張合照先啦,真係好多謝大家呀~~ ;D
其實大家冇發覺,我合照時係扮番o尋日叫大家撐我o既公仔o既....嘻嘻嘻嘻 ;)
好啦開始簽簽簽簽~
今日真係好多人o黎撐小畫家,好在多o左一個鐘簽o者,真係好運喇 ;D
今年除o左阿呢仲有我另一個創作<打份工o者!>,多謝晒有買o既大家呀 ;)
有睇開呢個blog都知呢兩位姊妹有幾勁,今年佢o地o既作品係梁進公仔同阿貓書套~~~又小豬Yan Yan你o地又再一次超越自己喇...嘻嘻 ;)
P.S. 今日收到o既禮物等我慢慢影過相後會再post上o黎俾大家睇 :)
傑他他老伯,今次整o左Lego阿呢,多謝你呀老伯 ;D
今日大家都好乖咁排隊,多謝大家等咁耐都繼續支持呀 :)
今次簽名會另一勁點~~Master Joe出場!!! 有明星o黎撐小畫家好威呀~~ ;D
多謝你呀阿Joe, 百忙中都o黎撐我,我好開心呀 :) (Master Joe話佢係專登為阿呢而著黃色衫o黎o既....嘻嘻嘻嘻)
今日見到好多讀者都有買阿呢公仔,真係好多謝你o地呀,記住參加阿呢攝影比賽喇 ;D
兩兄妹o黎撐場,好可愛 :D
呢位讀者仲親手整o左曲奇餅俾我,好多謝你 T____T 等我影底佢然後我會慢慢食真o的味o架喇 ;D
有讀者好有創意咁將自己o既創作crossover阿呢送俾我,抵讚!! 畫得好靚呀,請繼續加油!! :D
話咁快兩個鐘就到,書展人員開始叫我o地走喇,但仲有好多讀者未簽o添......於是.....
出o左會展,o係門口幫大家簽名~~ 難得出面冇冷氣大家都唔介意,我當然要幫大家簽晒先走啦 ;D
當我同大家講唔好意思o個陣,大家反而好諒解咁同我講番"辛苦你喇~"
真係好多謝大家 T____T <--再感動ing~~
由天光簽到天開始黑~~~
因為冇檯,所以要編輯小姐用手扮著檯先,辛苦你喇~~ ;)
除o左簽名當然要同大家合照啦 :)
終於幫大家簽晒~~yeah~~ ;D
真係估唔到,由天光簽到天黑,由入面簽到出面,簽o左兩個半鐘,幸好終於幫所有有o黎o既大家簽晒所有書 ;D
我都話你唔走我唔走,實幫大家簽晒先o架啦..(from信譽可靠小畫家...哈哈)
再一次多謝今日有o黎撐我o既大家,希記你o地鍾意我o既新書,有咩想同我講o既可以留言o係呢個blog,facebook,或email我: bunnyaken@yahoo.com 啦
聽日(星期日第二場),未o黎o既讀者星期日見啦 :)
沒有留言:
張貼留言