多謝所有尋日有o黎Pageone支持我o既大家呀,真係估唔到有咁多讀者o黎o左支持我,本來希望有三十人已經好開心o架喇,點知有成百幾位讀者o黎撐我,真係好多謝你o地呀!!
好啦,o係度post o下相啦,分享或簽名會o係3點開始,其實我兩點就到現場,只不過我入o左去Pageone o既職員室度簽postcard o者
今次能夠入到Pageone 職員室呢o的平時入唔到o既地方真係好開心,好有冒險feel...嘻嘻嘻
今日送俾讀者o既postcard, 原來出版社預印多o左,咁今日有o黎o既都有一張,咁就人人開心啦
到簽postcard簽到咁上下工作人員就叫我出去喇,一出到去好surpise有好多人等緊呀! 本來都膽心冇乜人o黎o既我都定番o的
首先係分享會,今次Pageone o既經理幫手做MC, 真係好多謝佢
亦好多謝大家,尋日o既氣氛真係好好,大家有講有笑好融洽 ,亦都多謝大家咁熱烈咁問問題,希望大家都有個開心o既下午啦
請留意我著緊件tee, 我係為o左今日而設計o架,有阿呢變o左雪糕,豬仔就係車尼子,當日都有好多讀者問有冇得買o添
今日有個大阿呢紙版,我諗有o黎o既一定有同佢影番張相喇(包括我...嘻嘻~)
分享會完就到簽名會喇~我幫大家簽名之外當然會同大家畫公仔啦,同埋大家又會有阿呢postcard,真係開心喇
今次都有讀者俾畫版我畫阿呢,等我下次帶定私伙筆先
今次張阿呢車仔麵postcard我係專登為今日而畫o架,聽出版社講佢o地印多o左o的可能書展都有得送(我唔肯定),但有樣o野就一定冇,就係...
就係阿呢郵chop! 你o地睇唔睇到相中右下角o既郵chop呀? 我o係送postcard o個陣即時印俾大家,上面有印住簽名會o既日期,好有意思o架
我真係要o係度多謝所有有o黎o既讀者,因為我要幫大家簽名畫公仔同影相,令到大家要等咁耐,而大家仍然好有耐性咁排隊,真係好多謝你o地!!
有讀者話排緊隊o個陣Pageone有部電視播片睇o下,而且又有冷氣,所以就算排得耐都唔係太辛苦
今次都有讀者DIY禮物送俾我,而最勁o既就係之前都有整阿呢同阿貓公仔o既小豬同yanyan兩姊妹,今次個車仔麵公仔,每個角色都拎得出o黎,勁到我都呆o左,你睇編輯小姐Sharmon幾開心!
o係度要多謝今日有送禮物俾我o既大家,因為大家整/畫得實在太好喇,出版社提議張所有DIY 禮物依家都放埋入去Pageone展覽裡面,到個展覽完o左我先可以慢慢欣賞...呵呵~
Blog友傑他他老伯帶埋lego阿呢同阿貓o黎支持..哈哈,因為我見阿老伯o係自己個blog都遮住自己個樣,咁我都用傑他他個"他"字o黎保圍佢靚仔o既真面目啦
簽名會到5:30pm完結,到最後就o黎個大合照啦,今次好多謝Pageone俾個機會我搞展覽同簽名會,亦多謝Pageone 所有人員o既幫忙!!Thank you thank you!
出版社kimmy同大家都應該好熟o既阿呢編輯Sharmon,多謝晒!!
到最後blog度o既讀者都留底o黎個大合照,好多謝你o地呀!! 今次blog友笑隆兒都加入呢個"阿呢小隊"...嘻嘻嘻
簽名會完畢,好開心呀,之後去o左中環hea o下,夜晚朋友就帶o左我去上環一間舊式o既餐廳Czarina莎厘娜鋸扒,朋友話呢間o野蘇c黃都有介紹過,我order o左一個魚牛扒,味道果然唔錯,不過份量就好似少o左o的...大食o既朋友就可能要order兩個餐喇...呵呵~
o係度再次多謝大家o既支持,下次簽名會見啦
沒有留言:
張貼留言