(May 31, 2008) 梁進update有相睇

你好呀,上星期四我終於去o左香港動物協會評審同選出我最鍾意o既四格漫畫喇,得獎作品將會遲o的公怖。

星期五我o係銅鑼灣Pageone set up我個私物展,o係度俾你睇o下o的相啦~ 

未入門口已經見到阿呢漫畫喇

我同出版社同事一齊張我o的"私物"放入個玻璃櫃裡面

其中一格係展出讀者之前送俾我o既阿呢DIY禮物,今次可以一次過睇晒喇

擺擺o下我開始o係度玩同擺pose..... 真係辛苦晒出版社人員

得到大家o既幫助set up順利完成,去飲杯我最愛o既西瓜汁先~

至於"私物展"會有o的咩? 咁就要你自己親身去睇喇...呵呵~

*o係度要特別鳴謝出版社的Kelly小姐同Kimmy小姐

飲完o野hea完番屋企都成12am, 再做一陣稿後就要(目訓)喇,因為...

今日(星期六) 我要7am 起身然後去一間小學度做一個關於廣播劇創作o既比賽評判

到大家開始入場,今日有3位評判,分別係我"評判小畫家"、港台DJ錢佩卿同何偉幟博士。

最後大會都送o左個感謝狀俾我