哈哈大家好呀,今日紐約先係廿五號聖誕節,亦係小畫家o既生日^^
正因係自己生日,今日一於食自己最鍾意o既o野,先o黎就係去韓國街食辣雞 ;)
話說呢間係韓國o既連鎖辣雞店,亦係super junior代言o既,小畫家好鍾意o黎呢間食辣雞翼^^
室內設計好新潮 :)
食物主要都係雞翼,有辣有唔辣,但當然辣o既更好味 ;D
好啦食喇 :d
通常我會要下面o既雞翼配炸蕃薯片,呢度o既炸蕃薯片都超好味 ;d
上要o個個係友人嗌o既炸雞條沙律 :)
識得小畫家o既都知我好食得辣,但呢度o既雞翼連我都覺得辣,可以話我食過最最最最最辣又好味o既雞翼^^
好啦食完就行o下街街,o係香港大家會去睇燈飾,而o係紐約就會睇各大商店o既聖誕廚窗喇^^
去到美國傳統大商店Macy's,每年佢o的廚窗都唔會令人失望 ;)
門口仲有聖誕樹,好有氣呀 :)
其中一個廚窗,現場睇係會郁o既,有o的仲係互動o架o添^^
行o下行o下就到紐約時代廣場,超多人呀!! ;D
哈哈呢個係迷你版新年倒數波波 :)
去到第五大道,每年呢間舖頭都有聖誕動畫投射上牆上,已成為大家聖誕必睇o既景點之一^^
跟住入o左Donald Trump o既Trump Tower,入面好金呀~哈哈 ;D
好啦行o下行o下又到晚飯時間喇,今年生日友人提議去小肥羊打邊爐^^
無錯,紐約係有小肥美o既,仲要係正宗大陸連鎖o個間,因為今日天氣凊凍所以入面好多人呀~~ ;)
小肥羊~little lamb, 乜唔係little fat lamb咩?嘻嘻嘻嘻~ :)
呢間o野都好地道,叫o左夏枯草o黎飲,竟然o黎o左未見過o既牌子,感覺好大陸~哈哈 ;)
每檯都有部ipad,俾大家上網同睇戲,真細心 :)
好啦開動喇! 左邊o既辣辣湯底係我o既,友人就要右邊o既藥材湯底,辣到我全程流晒鼻水,好盡興呀~~^^
日頭食辣雞,夜晚食辣辣小肥羊,今次真係小畫家o既辣辣生日喇哈哈 ;D
P.S. o係度要多謝o係面書同blog留意祝小畫家生日快樂o既大家,希望大家都有個愉快o既聖誕假期啦^^
而聽日阿呢漫畫會照常上載,跟住後日小畫家會出外玩幾日,當然亦會影相update大家,總之有空就上o黎睇啦^^
嗰個辣辣小肥羊我都想試下
回覆刪除生日快樂:D HAHA~
回覆刪除遲左添XDD
今年未有散散文3同阿呢新書?@@
繼續等緊XDDD
happy belated birthday! 創作多啲好笑嘅漫畫 :)
回覆刪除