(Dec 29,2012) 費城三日兩夜之旅~第二日^^

好啦又o黎費城之旅第二日，朝早去o左當地有名o既早餐店食早餐^^

美式早餐我最鍾意食omelet同炒薯仔，待應仲送o左杯咖啡俾我



友人就要o左pancake加腸仔，佢o的腸仔幾好味



呢間o野都有舊式美國o既感覺

 好啦食飽就要爆行喇，今日要去o既係費城o既藝術館^^

其實呢個藝術館最出名唔係間藝術館，而係城o係Rocky電影好經典o既鏡頭Rocky跑上樓梯就係o係呢度拍o架喇

跑樓梯前o係隔離o既Rocky銅象o黎個合照先^^

好啦之後就跑樓梯喇，每個o黎呢度o既遊客都會一口氣跑上去然後就雙手舉起yeah yeah咁^^

以下係Rocky電影o既劇照~



上面Rocky，下面就小畫家~哈哈

玩o左一輪，跟住就入藝術館睇喇（其實大部份遊客o黎呢度都唔係為個藝術館o既~嘻嘻）

費城o既藝術館地方超大，咁o岩其中一部份做緊古代盔甲展，幾有趣^^

原來以前連小朋友都要著盔甲，友人偷拍我專心咁睇o野~嘻嘻

最靚係有關以前油畫同房間o既展覽，靚到好似睇歷史書o的相咁^^

可能好多人o係門口扮完Rocky就走，裡面唔算好多人，好多場館都係得小畫家同友人慢慢睇

話咁快又夜晚，晚餐我o地去費城著名o既帆船餐廳^^

自稱為「全世界最大隻浮緊o既帆船」，入面有餐廳、酒吧同party room



話咁快就坐底食喇，先o黎送上餐包，待應話最精彩係o的牛油，牛油係廚師親自制造，入面加o左海鹽（仲有好多我唔記得o既o野~~~），總括o黎講個牛油甜甜o地幾好味^^

而頭盤就要o左我o地至愛生蠔，雖然費城唔係出名食海鮮但o的生蠔又出奇地肥美鮮甜喎^^

頭盤過後就到主菜喇，唔知點解o係船上食飯感覺特別有特式同開心^^

主菜方面，友人要o左帶子，四大粒帶子煎到五成熟，配上下面o既南瓜汁菜菜配合得唔錯

而我就要o左呢度o既西冷牛扒，一樣係五成熟，煎得好有水準^^

最後待應仲送我o地檸檬雪芭，完美o既甜品^^



好啦下個post就係費城之旅最後一日喇^^