(special) 赤口適宜爆食^^

今日赤口，大部份人都唔去拜年，為免發生口角o麻~ ;)

所以赤口應該少說話、多爆食喇（哈哈）~我手上o既係自稱全球最大塊o既朱古力bar，食完必定熱氣到出唔到聲~呵呵呵^^



好啦~其實今日同友人去o左食日本自助餐，呢間餐廳上年都o黎過，有睇開呢個blog o既都可能記得o架喇，而難得今日星期一o黎唔算好多人，唔使咁逼羅o野食舒服好多^^

先o黎當然要食生蠔啦，呢度有三種生蠔選擇，仲有蜆o添，食兩轉已值回票價~嘻嘻^^



生雖然係自助餐但o的生蠔都好新鮮同肥美，你見到咁大隻就知咩事 ;D



話明係日式自助餐，當然有大量魚生啦，其實o係美國冇香港咁成日會食到魚生（皆因紐約太多其他o野食，所以食壽司我o地會留番o係香港先多食），亦因為咁o黎呢度會勁食魚生^^

友人亦好鍾意食長腳蟹，我自己就唔算超鍾意但都羅o左隻試o下，反而自己好鍾意食凍蝦，友人話o尋日已食蝦碌所以唔食咁多蝦喇，於是我就一個人食o左好多~呵呵 ;d

順帶一提，佢o的熟青口都唔錯 :)

其實佢o地o脈壽司款式超多，而且又不斷拎出o黎，不過唔想肚肚填滿飯所以我o地都只揀最靚o個兩、三款食就算喇  ;)

卷卷款式一樣好多^^

而因為依家係中國農曆新年，佢o地今日都特別加o左中式北京填鴨~嘻嘻^^



好啦~頭先食o左一大輪生冷o野頭盤，要開始熟食時間喇^^

本來咪話唔食咁多壽司飯o既~點知友人都係忍唔住羅多幾樣卷卷o黎食~~ ;)

而我就食o下baby back ribs呀、填鴨呀咁，只揀有興趣o既肉類o黎食，話晒要預空位俾肚肚o麻^^

而因呢間o野o的三文魚生又厚又肥美，忍唔住多拎好幾塊 ;D

不得不提係日本餐廳竟然有芋蝦，而且仲要整得超好味喔 ;d

好啦熟食都完喇，已經飽到唔郁得咁濟~~~

呢個時候就到「甜品胃」出場喇!!!! >:D

難得呢度o的蛋糕細細件咁，可以試晒咁多款喔^^

最後仲要o黎個綠茶雪糕做總結~完美o既句號^^

友人話我飽到個樣好眼訓~哈哈^^

-------------------------------------------------------------------------------

新年大家請買本阿呢新書笑o下啦^^

新書「阿呢 戀愛大布甸」出o左喇，之前已收到出版社寄o黎o既新書，依家終於有時間講o下喇^^




今次新書會有阿呢同公主病o既「地下情」曝光，所以今集之後佢o地就係情侶o架喇~哈哈，今集o的四格漫畫我好滿意，加上有阿呢同公主病o既四格同短篇、愛情專家「呢sir」為各少女解答愛情問題，總之今集既有愛又搞笑，希望大家支持小畫家o既新書喇^^



今隻新書隨書附送「阿呢 手機防塵塞」，超得意呀!!! 我已經用緊喇~嘻嘻嘻^^


好啦~希望大家支持買「阿呢 戀愛大布甸」啦^^

阿呢新書「阿呢 戀愛大布甸」經已登場，各大書局有售^^

今期仲隨書附送阿呢潮爆手機防塵塞o添，希望大家都支持小畫家 o既新書啦^^